Soorte resepte:

[Resep] Roosterkoek

Foto: Maroela Media

Roosterkoek. Foto: Phillip Bruwer / Maroela Media

Die lewe sou darem wonderlik gewees het as roosterkoek as ʼn groente getel het…

Bestanddele:

  • 500 ml lou water (2k)
  • 12,5 ml bruinsuiker (1e)
  • 5 ml droë suurdeeg  (1 t)
  • 1 kg volgraan meel (6 k)
  • 5 ml sout (1t)
  • 12 ½ ml olie (1e)

Metode:

  1. Meng die lou water, bruinsuiker en droë suurdeeg saam en laat staan vir 10 minute.
  2. Meng dan al die bestanddele goed saam om ʼn redelike stywe deeg vorm.
  3. Gooi omtrent 12. 5 ml olie in ʼn plastieksak en versprei die olie.
  4. Gooi die deeg in die plastieksak en laat staan om tot dubbel volume te rys, vir ongeveer 30 tot 60 minute.
  5. Druk die deeg versigtig plat tot +- 2, 5 cm op ʼn meelbesprinkelde broodplank. Sny in vierkante.
  6. Braai op ʼn oliegesmeerde draadrooster oor matige kole tot goed gaar. Draai dikwels om.
  7. Sit voor met vars plaasbotter en appelkooskonfyt.

Dié resep is oorspronklik in Knuppeldik aan koningskos gepubliseer
Uitgewer: Knuppeldik Trust
Om die resepteboek, Knuppeldik aan koningskos, te bestel, kontak Carien Liebenberg by 0833199636

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Bykosse, Gebak

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Hannah ·

Ha-ha… lekker sit en lag ek hier op my eie…. ek sou darem self in my noppies wees as roosterkoek as groente kon kwalifiseer! Sjoe… saam met ‘n lekker koppie koffie… koningskos!

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.