Doop hierdie koekie in jou tee of eet dit sommer net so uit die blik uit!
Lewer 80 koekies
Bestanddele
- 4 x 250 ml (500 g) koekmeel
- 5 ml (1 t) bakpoeier
- 5 ml (1 t) fyn gedroogde nartjieskil
- 15 ml (1 e) fyn kaneel
- 15 ml (1 e) fyn kardemom
- 5 ml (1 t) neutmuskaat
- 1 ml fyn kruienaeltjies
- 7 ml (1 ½ t) fyn gemmer
- 500 ml (2 k) bruinsuiker
- 180 g sagte botter
- 125 ml (½ k) sonneblomolie
- 2 groot eiers
- 3,5 ml rooi koekkleursel
- halwe grondboontjies vir versiering (opsioneel)
Metode
- Voorverhit die oond tot 180 °C en smeer ’n bakplaat.
- Sif die meel en bakpoeier saam in ’n mengbak. Voeg die nartjieskil, kaneel, kardemom, neut, naeltjies en gemmer by en roer dit goed deur.
- Meng die rooi koekkleursel met een vyfde (⅕) van die deeg.
- Rol die res van die deeg met ’n koekroller uit en plaas spikkels van die rooi deeg bo-op. Sny die koekies met ’n koekiedrukker van jou keuse uit en rangskik dit op die voorbereide bakplaat. Versier elke koekie met ’n halwe grondboontjie.
- Bak vir 12-15 minute of tot gaar. Laat die koekies effens op die bakplaat afkoel, verwyder dit en plaas dit op ’n draadrakkie om heeltemal af te koel.
Bron: Soettand deur Koelsoem Kamalie en Flori Schrikker
Uitgewer: Lapa