Soorte resepte:

Resep: Suurlemoenskuimtert

suurlemoeneEen van Maroela Media se lesers, Heila Brits, skryf:

Ek gebruik Tennis-beskuitjies fyngemaak en met net ‘n bietjie margarien gemeng om dit te heg, as ‘n kors. Druk dit in ‘n gesmeerde tertbord vas (moet nie baie dik wees nie). Bak so 5 minute lank tot ligbruin by 180°C en laat dit dan afkoel.

Vulsel:
1 blik (397 g) gekondenseerde melk
125 ml suurlemoensap
skil van 1 suurlemoen (gerasper)
2 eiers (geskei)
25 ml strooisuiker

Metode:
1. Meng die suurlemoensap, gekondenseerde melk, skil en eiergele goed
2. Vul die tertkors
3. Klits eierwitte styf met die strooisuiker tot dit punte vorm en bedek die tert daarmee
4. Bak in matige oond (180°C oond vir 10 minute of tot ligbruin)

Verkoel en geniet!

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Gebak, Soetgoed

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae