Bederfkoekies (Foto: Maroela Media/Janie Monsieur)
Dié koekies bevat regte sjokolade en is ʼn behoorlike bederf!
Bestanddele
- 170 g botter, gesmelt
- 200 g klewerige bruinsuiker
- 100 g witsuiker
- 15 ml vanieljegeursel
- 1 eier
- 1 eiergeel
- 250 g koekmeel
- ½ t bakpoeier
- knippie sout
- 300 g-sjokoladeblok, opgekap in kleiner blokkies
Metode
- Meng botter en suiker saam in ʼn bak.
- Voeg die eiers en vanieljegeursel by en roer goed.
- Sif meel en bakpoeier by die bottermengsel, voeg sout by en roer.
- Gooi die blokkies sjokolade in en meng weer.
- Skep eetlepels vol beslag op ʼn gesmeerde bakplaat. Laat genoeg spasie tussen elke koekie, want hulle sprei baie uit.
- Bak vir 15 minute by 180 °C.
Resep: Janie Monsieur
Die metode en die video verskil.
Video lyk nader aan die waarheid.
Dagsê Koekie,
Dankie vir jou kommentaar. Die metode in die video en die metode in die resep is presies dieselfde. Kan jy dalk meer inligting gee oor waar daar verwarring is? Dan klaar ons dit sommer vinnig op!
Groetnis
Janie nms. Maroela Media
Ek dink waar dit dalk snaaks lyk is die gesmelte botter lyk soos die eiers wat ingegooi word, en dan later weer eiers.
Ook so raakgesien Carina.