Soorte resepte:

Resep-video: Biltong-en-kaasbolletjies

Biltong-en-kaasbolletjies (Foto: Maroela Media/Janie Monsieur)

Dié bolletjies is perfek om die braaivleisvuur!

Bestanddele:

  • 1 pak (500 g) winkeldeeg
  • 3 e blatjang
  • 2 koppies gekerfde biltong
  • 2 koppies kaas
  • knypie sout
  • 2 eiers, geklits

Metode:

  1. Rol die deeg uit tot ongeveer ½ cm dik.
  2. Smeer ʼn dun lagie blatjang oor die deeg.
  3. Sprinkel nou biltong en kaas oor.
  4. Gooi ʼn bietjie sout oor en rol die deeg op, sodat die biltong binne-in is.
  5. Sny die opgerolde deeg in wieletjies en plaas dit in ʼn gesmeerde oondbak.
  6. Verf die wieletjies met bietjie eier en bak vir 30 minute op 180 °C.

Resep: Janie Monsieur

 

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Bykosse, Gebak, Resep-video's

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Tania Heyns ·

Dagsê Ekke

Dankie vir jou kommentaar. Ons vra om verskoning, dit moet inderdaad eerder ‘n halwe cm wees. Die berig is reeds gewysig.

Groetnis
Tania nms Maroela Media

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.