Die heel maklikste vrugtekoekresep. Enigeen kan dit bak!
Lewer 1 vrugtekoek
Bestanddele
- 125 g sagte botter of margarien
- 3 groot eiers
- 60 ml melk
- 1 e konfyt van jou keuse
- 1/3 k bruinsuiker
- ½ k klam bruinsuiker
- 250 g bruismeel
- 120 ml brandewyn
- 500 g vrugtekoekmengsel
Metode
- Meng al die bestanddele, behalwe die vrugtekoekmengsel en brandewyn, saam in ʼn mengbak. Moenie oormeng nie.
- Roer nou die vrugtekoekmengsel en die helfte van die brandewyn ook by.
- Voer ʼn broodpannetjie uit met waspapier en gooi die beslag daarin.
- Bak vir 1 uur en 15 minute teen 150 °
- Wanneer die koek afgekoel het, druk gaatjies met ʼn sosatiestokkie in en gooi die ander helfte van die brandewyn oor. Laat staan oornag, of eet dadelik.
Resep: Janie Monsieur
Is dit n 1/3kop bruinsuiker EN n 1/4kop klam bruinsuiker of is hier n fout?
Dagsê Susan
Dit is inderdaad soos die resep sê – ‘n 1/3 koppie bruinsuiker en ‘n 1/2 koppie klam bruinsuiker. Hoop die vrugtekoek is heerlik!
Groete
Mariné
nms Maroela Media