Soorte resepte:

Resep-video: Sjokoladesmeer-pastei

Sjokoladesmeer-pastei (Foto: Janie Monsieur)

Slegs 4 bestanddele vir hierdie hemelse pastei!
Lewer 1 middelslag-pastei

Bestanddele

  • 1 vel skilferkorsdeeg
  • sjokoladesmeer
  • 2 eiergele
  • 2 e melk

Metode

  1. Strooi meel op jou werksoppervlak en rol die skilferkorsdeeg daarop uit. Jy kan ʼn bietjie meel bo-op die deeg ook sprinkel as dit aan jou roller vassit.
  2. Sny die deeg in sowat ses repies.
  3. Smeer sowat 3 eetlepels sjokoladesmeer op elke repie en vou dit toe.
  4. Voer ʼn ronde oondbak uit met bakpapier en plaas die repies een vir een in die bak in ʼn spiraalvorm. Begin in die middel en las die repies elke keer na buite aan. (Kyk op die video as jy onseker is.)
  5. Druk die deegrolletjies met jou hand vas in die bak.
  6. Klits eiergele en melk saam en smeer die pastei daarmee.
  7. Bak by 180 °C vir 20 minute.
  8. Drup nog sjokoladesmeer bo-op vir versiering.

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Gebak, Resep-video's, Soetgoed

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

Het jy iets op die hart? Maroela Media se kommentaarfunksie word ongelukkig tydelik gesluit tussen 19:30 en 06:00.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.

3 Kommentare

Sonja ·

Dis kerstyd, dink n paar kers resepte sal mos nou goed wees vir die maand. Yule log, stollen, kerskoekies met net nie n royal icing versiering nie, (iets sonder rou eier) vrugtekoekies wat klein is vir geskenkies, nageregte vir kerstafel, kersete tafel idees met slaaie vleisdisse ens. Kom aan Maroela, dis kerstyd, stop nou met boring goed soos die deegding vol Nutella enige ou kan dit maak, sit ons in die opgewonde kersgevoel en gee ons lekker opwindende Desember/Kersfees resepte, selfs gebak wat n ma en kleinding saam kan doen met die elle lange vakansie sal gaaf wees, al is van ons se kleingoed al groot.

Het jy iets op die hart? Maroela Media se kommentaarfunksie word ongelukkig tydelik gesluit tussen 19:30 en 06:00.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.