Soorte resepte:

Resep: Vinnige rosyntjiebrood

Vinnige rosyntjiebrood (Foto: Verskaf)

Vinnig en vars!

Lewer 1 middelslag-broodjie

Bestanddele

  • 500 g bruismeel
  • 5 ml bakpoeier
  • 5 ml sout
  • 250 ml suiker
  • 250 ml royntjies
  • 10 ml anyssaad
  • 1 eier
  • 250 ml melk
  • 250 ml water
  • 30 ml kookolie

GLASEERSEL

  • 50 ml suiker
  • 50 ml warm water

Metode

  1. Voorverhit die oond tot 180 °C en smeer ʼn broodpannetjie.
  2. Meng al die droë bestanddele in ʼn mengbak.
  3. Klits die eier liggies en voeg by die droë bestanddele.
  4. Voeg die melk en water by en meng goed.
  5. Voeg die olie by en meng goed.
  6. Skep die beslag in die broodpannetje en bak vir 45 minute of tot ʼn toetspen skoon uitkom.

GLASEERSEL

Los die suiker in die warm water op en verf dit oor die broodjie.

Bron: Kook saam Kaaps

Uitgewer: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Gebak

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae