Vinnige vetkoek. Foto: Kosblikkos
ʼn Warm vetkoek met plaasbotter en stroop klink mos lekker!
(Uit: Vrouekeur 3 deur Marlo Carstens)
Lewer 6 porsies
Bestanddele:
- 500 g koekmeel
- 500 ml karringmelk
- 5 ml koeksoda
- 5 ml kremetart
- 7,5 ml sout
- 15 ml strooisuiker
- 45 ml sagte botter
- ongeveer 750 ml olie
Metode:
- Sif die meel in ʼn mengbak.
- Meng die karringmelk, koeksoda, kremetart, sout en suiker Voeg die karringmelkmengsel by die meel en roer tot goed gemeng.
- Werk die sagte botter met jou hande by die deeg in en knie liggies.
- Bedek die mengbak met kleefplastiek en laat die deeg vir 1 uur op ʼn warm plek rus om tot dubbel die grootte te rys.
- Breek stukkies van die deeg af en braai in warm olie tot goudbruin en gaar.
- Sit warm vetkoek saam met botter en gouestroop of kerriemaalvleis voor.
Bron: Lekker en Vinnig
Uitgewer: Lapa
Goeie Genade! Dit is mos nou net die beste ding saam met sop op die wintersdag. Mmmmm
hoe lyk dit
Wat laat daai vetkoek rys? Die koeksoda?
Dit lyk njammies. Net die regte ding vir die koue en nat weer in die Kaap.
@Amber – inderdaad, die koeksoda (en kremetart).
Julle, gekoopte brooddeeg by jou Pick & Pay of Spar werk net so lekker – daai is nou vir die regte lui huisvrou of beroepsvrou wat saans vinnig iets aanmekaar moet slaan. Ai, ja, lekker koud hier in die Boland – reën saggies. Laat my lus kry vir ‘n lekker bottle OBS, kaggelvuur, duvets en kussings op die vloer voor die kaggel, vetkoek met Karoo-heuning (maar ongelukkig gewone margarien!), al my honde en katte om my en ‘n lekker boek in die hand!