Maak solank jou vrugtekoeke en laat dit staan tot Kersfees.
Lewer 10 klein koeke
Bestanddele
- 750 g korente
- 750 g geel sultanas
- 1 kg rosyntjies sonder pitte
- 750 g dadels, ontpit
- 500 g gemengde suurlemoenskil
- 1,5 kg gemengde geglasuurde vrugte (bv. waatlemoen, vye, pynappel, ens.)
- 1 kg rooi glanskersies
- 1 liter Wellington-brandewyn
- 1 kg koekmeel
- 65 ml (¼ k + 1 t) gemengde speserye
- 10 ml (2 t) sout
- 250 g gevlokte amandels
- 500 g pekanneute, grof gekap
- 1 kg (2 blokke) Clover Mooi River-botter
- 750 ml (3 k) “treacle” bruinsuiker
- 18 eiers
- 10 ml (2 t) koeksoda
- 15 ml (1 e) witasyn
- 125 ml (½ k) fyn appelkooskonfyt
- 150 g (1 bottel) gemmerstukke in stroop (die stroop moet ook gebruik word)
Bo-op
- 2,5 liter Bertrams-brandewyn
Metode
Dis ʼn groot resep. Jy kan tien koeke van 1 kg elk van die beslag maak.
- Gooi die korente, sultanas, rosyntjies, dadels, suurlemoenskil, geglasuurde vrugte, kersies en die 1 liter Wellington-brandewyn in ʼn groot bak bymekaar. Bedek en laat oornag staan.
- Meng die meel, speserye, sout, amandels en pekanneute in ʼn groot genoeg mengbak
- Verroom die botter en bruinsuiker tot liggeel. Voeg die eiers by en klits weer tot goed gemeng.
- Meng die koeksoda en asyn tot gemeng. Roer dit by die bottermengsel.
- Voeg die appelkooskonfyt by die bottermengsel en roer tot alles goed gemeng is.
- Voer tien koekpanne met dubbele bakpapier.
- Voorverhit die oond tot 140 °C.
- Meng die geweekte vrugtemengsel, meelmengsel, gemmerstukke en die stroop.
- Verdeel die beslag tussen die koekpann. Maak dit gelyk bo-op.
- Bak die koeke vir een uur teen 140 °C. Verlaag die oondtemperatuur na 120 °C en bak die koeke vir nog ses tot sewe uur of tot ’n toetspen skoon uit die middel van die vrugtekoek kom.
- Giet 100 ml Bertrams-brandewyn oor elke vrugtekoek wanneer dit uit die oond kom. Dis 100 ml per 100 g vrugtekoek.
Bestanddele, 1 liter brandewyn.
Metode, 7 liter brandewyn.
????
Dagsê Rika
Dankie vir jou kommentaar. Ek vra om verskoning vir die oorsig. Die resep is reeds gewysig.
Groetnis
Tania nms Maroela Media
Sjoe, ek sien nie 70kg se bestandele hier nie?? Tien koeke van 7kg elk?
Dagsê Tom
Dankie vir jou kommentaar. Ek vra om verskoning vir die oorsig. Die resep is reeds gewysig.
Groetnis
Tania nms Maroela Media
En as jy klaar is gooi jy vir hom weg…..
Die bestandele sê 2.5 Liter, en die resep sê 7 Liter…
Dagsê Sophia
Dankie vir jou kommentaar. Ek vra om verskoning vir die oorsig. Die resep is reeds gewysig.
Groetnis
Tania nms Maroela Media
Resep lees 1liter Wellington.. maar by die metode, punt nr 2, is dit 7liter brandewyn. Die koek kort net eish! dan sjmaak hy vorentooooeeee!
Dagsê Zanie
Dankie vir jou kommentaar. Ek vra om verskoning vir die oorsig. Die resep is reeds gewysig.
Groetnis
Tania nms Maroela Media
Joh, hierdie is ‘n wenner!
Gaan ‘n paar mense ‘n ekstra skyfie gee lol.
Aggneewat. Koop sommer lekker ene by Woolies net makliker en vinniger. Jammer – dis hoe ek voel want in die hitte wil ek nie eers slaai maak wat nog te sê bak en kook!
Het al 4 weke gelede my vrugtekoek gebak.
Hoe langer dit staan om ‘ryp te word, hoe beter.
Kersdag is darem bietjie te laat in die Kersseisoen om dan eers vrugtekoek te kan aansny!
Ek wil graag weet wat kan in die plek van brandewyn gebruik word vir die mense wat nie alkhol gebruik nie.
Waaroor kla julle…mens kan nooit genoeg brandewyn ingooi nie