Soorte resepte:

Veelsydige lasagne

Lewer 4-6 porsies

1 hoeveelheid (sowat 500 g) lasagnevelle
30 ml olyfolie
500 g maer beesmaalvleis
2 middelslag uie, grofgekap
2 knoffelhuisies, fyngedruk
410 g-blik gekapte, geskilde tamaties
30 ml (1 pakkie) tamatiepasta
5 ml suiker
15 ml gemengde, gekapte vars kruie. of 5 ml droë, plus ekstra vir oorsprinkel
sout en varsgemaalde swartpeper na smaak

Kaassous:
60 g botter of margarien
60 ml (35g) Snowflake-koekmeel
625 ml melk
375 (150 g) gerasperde cheddarkaas
sout en varsgemaalde swartpeper na smaak

1. Bring soutwater tot kookpunt in ‘n swart swaarboomkastrol. Voeg pasta by en laat 3-5 minute kook. Dreineer en hou eenkant.
2. Verhit olie in ‘n swaarboomkastrol en braai maalvleis tot dit verkleur. Voeg uie en knoffel by en soteer ‘n paar minute tot sag.
3. Voeg tamaties, pasta, suiker, kruie en geurmiddels by. Laat sowat 5 minute prut. Verwyder van hitte en hou eenkant.
4. Sous: Smelt botter in ‘n medium swaarboomkastrol. Voeg meel en roer by en roer 1 minuut oor lae hitte. Voeg melk by en kook oor matige hitte; klop voortdurend tot sous glad is en verdik het. Verwyder van hitte en voeg kaas en geurmiddels by. Laat effens afkoel.
5. Skep ‘n bietjie maalvleismengsel in ‘n groot oondvaste bak. Pak die helfte van die pastavelle, maalvleismengsel en kaassous bo-op. Herhaal lae en eindig met die kaassous.
6. Bak 30-40 minute in ‘n voorverhitte oond teen 180°C. Sprinkel kruie oor en bedien.

Variasie:
Vegetariese Lasagne: Vervang maalvleis met 250 g gekapte vars spinasie en 125 g gesnyde knopiesampioene, of met 250 g botterskorsie, pampoen, broccoli of murgpampoentjies, in kleiner stukkies gesny en liggies saam uie gebraai.

Resep oorspronklik gepubliseer in Die Uitsonderlike Snowflake Versameling
Uitgewer: RandomHouseStruik
Prys: R180-00*
*Prys onderhewig aan verandering

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.