Soorte resepte:

Hap saam met Lochner: Oestersampioene met ’n sousie

Oestersampioene met ’n sousie (Foto: Maroela Media/Janie Monsieur)

Dié sousie is baie lekkerder wanneer jy dit self maak as wanneer jy dit in die winkel koop!

Genoeg vir 2-3 mense

Bestanddele

  • olyfolie
  • 2 groot oestersampioene, in repies gesny
  • botter
  • sout en peper, na smaak
  • vars vinkel

SOUS

  • 3 eiergele
  • ¼ suurlemoen se sap
  • 1 t mosterdpoeier
  • sowat ¼ k olyfolie

Metode

  1. Gooi bietjie olie in ʼn pan saam met die opgesnyde sampioene. Stip met botter, geur met sout en peper en braai.
  2. Knip bietjie vinkel daaroor en braai tot gaar.

SOUS

  1. Gooi die eiergele in ʼn bak en voeg suurlemoensap en mosterdpoeier by. Begin dit klits.
  2. Begin nou geleidelik druppels olyfolie by die eiermengsel gooi terwyl jy aanhou klits. Jy kan olyfolie al vinniger begin byvoeg.
  3. Wanneer die sousie ʼn tekstuur vorm en dikker raak, is dit klaar en jy kan ophou klits.
  4. Gooi nou die sous oor die gaar sampioene en versier met nog vinkel.

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Bykosse, Groentegeregte, Voorgeregte

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.