Daar is min goed wat so lekker is soos ʼn melktert, maar dié gebak staan altyd in die skadu van ander tradisionele lekkernye soos die koeksister.
Weg-tydskrif het ongeveer twee jaar gelede besluit dat dié nederige tert ʼn bietjie meer erkenning moet kry, en só is Melktertdag gebore.
Ter viering van Melktertdag op Saterdag, 27 Februarie, is Maroela Media op soek na die lekkerste melktertresep wat ons met die res van ons lesers kan deel.
As jy die melktert-koning of -koningin van jou dorp is, stuur jou resep en ʼn oulike foto waar jy self saam met jou melktert verskyn of waar mense aan jou melktert smul (opsioneel) na [email protected].
Die wenner ontvang met die komplimente van Lapa Uitgewers ʼn R500-geskenkbewys om op Lapa se webwerf te spandeer, en word amptelik aangewys as Maroela Media se Melktert-meester van 2016!
Ons sal die wenner en wenresep Maandag, 29 Februarie aankondig. Inskrywings sluit Sondagaand, 28 Februarie om 23:59.
Rol op daardie moue en gaan kry jou voorskoot gereed!
Lekker, Maroela!
Prys moet gaan vir Banting Melktert