Soorte resepte:

Kombuiswenke: Wat is die verskil tussen tamatie-pasta en tamatie-puree?

Tamatie

(Foto: Pixabay)

Tamatie-pasta

Tamatie-pasta word gemaak deur tamaties stadig en vir ʼn paar uur lank te kook. Die tamaties moet prut tot dit ʼn dik, ryk pasta vorm. Tamatie-pasta het ʼn soet, intense smaak wat soortgelyk is aan songedroogte tamaties.

Tamatie-pasta word in klein hoeveelhede gebruik om souse dikker te maak of om geur by disse te voeg.

Tamatie-puree

Tamatie-puree word gemaak deur tamaties vir ʼn kort tydjie te kook om dit sag te maak voor prosessering. Tamatie-puree het ʼn vars smaak, wat nie so intens is soos tamatie-pasta nie, en dit is ook ʼn dunner sous as tamatie-pasta.

Tamatie-puree is wat gewoonlik op pizza gesmeer word en die matige geur gaan ook goed saam met meeste speserye en geurmiddels, terwyl tamatie-pasta as die hoofgeurmiddel in ʼn dis dien met ʼn sterker smaak. Party mense verkies om ʼn bietjie tamatie-pasta by tamatie-puree te meng, en dít op ʼn pizza se basis te smeer.

Tamatie-puree kan nie tamatie-pasta in ʼn resep vervang nie, maar tamatie-pasta kan met water verdun word om tamatie-puree te vervang. Meng een teelepel tamatie-pasta met 1 koppie water of tamatiesap om tamatie-puree te vervang.

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Koolstoof, Só maak mens

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae