Soorte resepte:

Kombuiswenke: Wat is die verskil tussen witsuiker, bruinsuiker, strooisuiker en versiersuiker?

Argieffoto (Foto: health.howstuffworks.com)

My ma het my altyd geskel as ek strooisuiker in plaas van witsuiker gebruik. Lees hier of sy rede gehad het daarvoor.

Witsuiker (“gewone” suiker)

Witsuiker is wat in die meeste resepte gebruik word. Dit is natuurlike suiker waarvan die molasse afwesig is. Die suikerkorreltjies sit nie aan mekaar vas nie, wat dit perfek maak vir die afmeet van hoeveelhede in resepte.

Bruinsuiker

Bruinsuiker is witsuiker waarby suikerriet-molasse bygevoeg is. Hoe donkerder die bruinsuiker, hoe meer molasse in die suiker. Donkerder bruinsuiker word gebruik vir ryker gebak soos gemmerkoekies, terwyl ligter bruinsuiker gebruik word in gewone gebak en souse.

Strooisuiker

Strooisuiker is gewone witsuiker wat baie fyn gemaal is. Die suikerkorreltjie is omtrent die helfte van die grootte van gewone witsuiker se grootte.

Versiersuiker

Versiersuiker is strooisuiker wat nóg fyner gemaal is en gemeng word met ʼn klein bietjie mielieblom om klonte te voorkom en ʼn gladde tekstuur te verseker. Dit word gewoonlik gemeng met botter en/of water en gebruik om koeke, koekies en oliebolle te versier.

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Koolstoof, Só maak mens

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

Vermeende ·

Nee dis verkeerd, witsuiker is soet, strooisuiker is soeter en versiersuiker is die soetste maar bruinsuiker is stroopsoet…..lol

Suikerboer ·

Daar is 2 soorte bruin suiker. Die klewerige baie donker suiker is soos in die artikel beskryf met molasse bygevoeg. Die ligte kleur bruin suiker, wat gewoonlik ook goedkoper en gesonder is om te eet is ongeraffineerde of ongebleikte suiker. Die kristalle kleef ook nie aan mekaar nie.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.