Soorte resepte:

Resep: Grenadellapoeding

Foto: topfoodfacts.com

Foto: topfoodfacts.com

Dié ligte poeding maak ‘n mens sommer in ‘n japtrap. Mev. SJ Booyens van Helderkruin, Roodepoort, vervang die grenadellamoes soms deur appelsous of ingemaakte pynappelmoes. Sit dit voor met room of vla.

Lewer 4 – 6 porsies

Bestanddele:
100 g (125 ml) suiker
50 g (60 ml) botter of margarien
2 eiers, geskei
50 g (75 ml) koekmeelblom
300 ml melk
1 blikkie (115 g) grenadellamoes (of die moes van 3 vars grenadellas)

Metode:
1. Voorverhit die oond tot 160°C (325°F). Smeer ‘n oondvaste bak van 15 x 25 x 5 cm.
2. Klop die suiker en botter of margarien saam tot goed gemeng.
2. Voeg die eiergele by en meng goed.
3. Klop die koekmeelblom, melk en grenadellamoes by.
4. Klits die eierwitte tot styf en vou dit liggies in die mengsel in.
5. Skep dit in die bak. Bak dit 30 minute lank.

Hierdie resep is oorspronklik gepubliseer in Huisgenoot Wenresepte 1
Uitgewer: Human & Rousseau
Prys: R285-00*
*Prys onderhewig aan verandering

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Nageregte

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Veronica van Niekerk ·

Klink baie lekker en veral gou om te maak as die tyd min is.

marthie de jag ·

die grenedella en souskluitjie resep lyk heerlik..waar save ek vir n vgl keer

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.