Soorte resepte:

Oornag by ’n whiskybrouery!

Whiskey sal op verkeie maniere gepaar word.(Foto: Verskaf)

Whiskyliefhebbers hoef nou nie meer ver van hul gunstelingdrankie te gaan wanneer hulle ʼn ontspanne wegbreekkans wil geniet nie – inteendeel, hulle hoef slegs enkele treë te stap, want Three Ships Whisky bied nou ʼn geleentheid vir mense om sommer by die brouery te oornag.

Dit is volgens Three Ships die eerste keer dat so ʼn soort ervaring in Afrika moontlik is, en dít boonop by die enigste kommersiële whiskybrouery in Afrika, die James Sedgwick Distillery in Wellington in die Wes-Kaap.

Volgens die whiskyvervaardigers is dit die eenvoudigste manier om jou te verdiep in die kuns van whisky maak.

“Hierdie uitsonderlike ondervinding sluit in twee nagte verblyf in luukse tentakkommodasie langs die brouery se dam, slegs treë weg van die brouerygebou,” lui ’n verklaring.

Gaste kan whiskygegeurde produkte, luukse aandetes, namiddagtee, whiskyskemerkelkies en whiskyproe-ervarings verwag.

Die luukse tente waarin besoekers kan bly. (Foto: Verskaf)

“Gedurende die verblyftydperk sal whiskyliefhebbers alles van die brouery leer ken – van die verouderingskelder tot die distillering van die bekroonde tien jaar oue Three Ships Single Malt-whisky.

“Gaste begin die ervaring met ʼn Suid-Afrikaanse fynproewersbraai. Hulle sal verder ʼn privaat begeleide toer van die brouery kry en ʼn whisky-en-kos-paring geniet. Whiskyskemerkelkies sal voorgesit word net voor ʼn uitsonderlike aandete, wat met whisky gepaar word.”

Alle winste deur dié projek sal aan Volunteer Wildfire Services geskenk word.

Vir meer inligting oor dié ervaring, klik hier.

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Doen-dinge, Koolstoof

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

5 Kommentare

Ida ·

Hul se whiskey word gepaar op verskillende maniere 🤔 ongelukkig drink ek net Johnny Walker Black

Stephan Van Schalkwyk ·

Puik produk… Bains is wêreldklas kwaliteit..klink na n fantastiese naweek!

Stephan Van Schalkwyk ·

En ja, dis nie n brouery nie maar n distillasie proses/aanleg😜

Hendrik UAE ·

Eish ek is dom. In die berig praat hulle van Three Ships maar die fotos is BAINS? Waar het my tor afgeval?Stephan praat ook van BAINS.Lyk my net ek verstaan nie.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.