Soorte resepte:

Propvol aartappeljassies

Bron: Trooskos deur Clover

5 groot (1 kg) aartappels, geskrop
250 g spek, gebraai en gekap
6 sprietuie, gesny
¼ k (60 ml) Clover suurroom
¼ k (25 g) Clover Goudakaas, gerasper
¼ k (25 g) Clover Cheddarkaas, gerasper
sout en varsgemaalde swartpeper
¼ k (60 g) Clover Mooi River botter, gesmelt
gesnipperde grasui

Voorverhit die oond tot 180⁰C. Rangskik die aartappels op ‘n bakplaat en bak 45 tot 60 minute lank op die middelste oondrak. Laat afkoel. Meng die spek, sprietuie, suurroom en helfte van die kase en geur met sou en peper. Hou eenkant.

Voorverhit die oondroosterelement tot matig warm. Sny die afgekoelde aartappels versigtig in kwarte, sodat die skille heel bly. Skep die aartappelvleis uit die skille, maar behou ‘n 5mm laag in elke kwart. Rangskik op ‘n bakplaat met die skil na bo. Verf helfte van die botter oor die skille en rooster 3 tot 4 minute tot goudbruin. Draai om. Verf die res van die botter oor en rooster weer vir 3 tot 4 minute.

Skep die spekmengsel in die holtes van die skille. Strooi die res van die kaas oor en rooster nog 4 tot 5 minute, of totdat die kaas gesmel en goudbruin is. Strooi gesnipperde grasui oor en sit voor.

Uit:Trooskos deur Clover
Uitgewer: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Koolstoof

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae