Soorte resepte:

[Resep] Alles-in-een-ontbyt-pakkie

Ontbyt-tortilla

Alles-in-een-ontbyt-pakkie Foto: Trooskos

As jy nie meer kans sien vir ontbytpap nie, is hierdie dalk ʼn goeie plaasvervanger.

Genoeg vir 1

Bestanddele:

  • 2 e (30 ml) Clover Mooi River-botter
  • 2 e (30 ml) olyfolie
  • 4 sampioene, in kwarte gesny
  • 3 sprietuie, gekap
  • 5 kersietamaties, in kwarte gesny
  • 2 repies spek, bros gebraai en gekap
  • 3 eiers
  • 1 e (15 ml) Clover- vars room
  • sout en varsgemaalde swartpeper
  • 1 tortilla

Metode:

  1. Verhit die helfte van die botter en olie oor matige hitte in ʼn pan en soteer die sampioene vir 3 minute. Voeg die sprietuie en tamaties by en roerbraai nog 2 minute.
  2. Skep in ʼn bakkie en roer die spek by. Hou eenkant. Klits die eiers, room, sout en peper saam. Verhit die res van die botter en olie in die pan en giet die eiermengsel daarin.
  3. Laat 2 minute gaar word en roer van die rand van die pan na binne totdat die eiermengsel net gestol is.
  4. Verwyder van die hitte en roer die sampioenmengsel by. Verhit die tortilla volgens die aanwysings op die verpakking en skep die eiermengsel daarin. Vou netjies toe en sit dadelik voor.

Bron: Trooskos
Uitgewer: LAPA Uitgewers

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Koolstoof

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae