Soorte resepte:

[Resep] Appelkoos-en-hoendersosaties

Appelkoos-en-hoendersosatie (Foto: Lapa-uitgewers)

Gooi dié heerlike sosaties die naweek op die kole.

4 porsies

Bestanddele:

  • 8 sosatiestokkies, vooraf in water geweek
  • 4 hoenderborsies, in 3 cm-blokkies gesny
  • 12 klein uitjies, gehalveer
  • 1 groen soetrissie, ontpit en in 3 cm-blokkies gesny
  • 410 g (1 blik) appelkooshelftes, gedreineer
  • 1 vars pynappel, geskil en in 3 cm-blokkies gesny
  • knippie sout en swartpeper

Sous

  • 60 ml Clover Tropika-pynappelsap
  • 45 ml blatjang
  • knippie brandrissiepoeier
  • 125 ml caesar vinaigrette

Metode:

  1. Voorverhit die oond tot 180°C en smeer ’n oondbak van ongeveer 34 cm x 24 cm met botter.
  2. Ryg die hoenderblokkies, uitjies, soetrissie, appelkooshelftes en pynappelblokkies beurtelings op die sosatiestokkies.
  3. Geur dit met sout en peper en plaas dit in die voorbereide oondbak.
  4. Meng die sousbestanddele saam en giet dit oor die sosaties.
  5. Bedek die oondbak met foelie en bak dit vir 30 minute. Verwyder die foelie en rooster die sosaties tot goudbruin onder die oond se element.
  6. Sit dit warm voor.

Bron: Gunsteling Suid-Afrikaanse kos

Uitgewer: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Koolstoof

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae