Soorte resepte:

[Resep] Hawermoutpap

Pap

Foto: Kookboek vir Allergieë en Voedselsensitiwiteit

Met dié resep kan jy ʼn hele klomp soorte pap maak.

Hawermoutpap

Bestanddele:

  • 60 ml gerolde hawermout
  • 250 ml kookwater
  • ʼn knypie sout

Metode:

  1. Mikrogolf: 2½ – 3 minute op mediumhoog.
  2. Stoofplaat: Prut 3 – 5 minute.

Hawermoutpap met hawersemels (oat bran)

Bestanddele:

  • 45 ml gerolde hawermout
  • 15 ml hawersemels
  • 250 ml kookwater
  • ’n knypie sout

Metode:

  1. Mikrogolf: 5 minute op mediumhoog.
  2. Stoofplaat: Prut 4 – 5 minute.

Taystee Wheat

Bestanddele:

  • 50 ml Taystee Wheat
  • 50 ml koue water
  • 200 ml kookwater
  • ’n knypie sout

Metode:

  1. Mikrogolf: 3 – 5 minute op mediumhoog.
  2. Stoofplaat: Prut 7 – 9 minute.

Mieliemeelpap/Kreemymeel

Bestanddele:

  • 50 ml fyn mieliemeel/Kreemymeel
  • 50 ml koue water
  • 200 ml kookwater;
  • ʼn knypie sout

Metode:

  1. Mikrogolf: 4 – 5 minute op medium.
  2. Stoofplaat: Prut 7 – 9 minute.

Braaipap/polenta

Bestanddele:

  • 50 ml growwe braaipapmieliemeel/polenta
  • 50 ml koue water
  • 200 ml kookwater
  • ʼn knypie sout

Metode:

  1. Mikrogolf: 8 – 10 minute op medium.
  2. Stoofplaat: Prut 10 – 12 minute.

Wenk: Laat week die meel oornag in 100 ml koue water. Voeg die volgende oggend 150 ml kookwater by. Die kooktyd sal dan korter wees.

Sorghummeelpap (fyn meel)

Bestanddele:

  • 50 ml fyngemaalde sorghummeel
  • 50 ml koue water
  • 200 ml kookwater
  • ʼn knypie sout

Metode:

  1. Mikrogolf: 2 – 3 minute op mediumhoog.
  2. Stoofplaat: Prut 3 – 5 minute.

Sorghummeelpap (growwe meel)

Bestanddele:

  • 50 ml grofgemaalde sorghummeel
  • 250 ml kookwater
  • ʼn knypie sout

Metode:

  1. Mikrogolf: 10 minute op medium.
  2. Stoofplaat: Prut 10 – 12 minute.

Wenk: Laat week die meel oornag in 100 ml koue water. Voeg die volgende oggend 150 ml kookwater by. Die kooktyd sal dan korter wees.

Bron: SA kookboek vir allergieë en voedselsensitiwiteit
Uitgewer: Tafelberg

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Koolstoof

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Basson ·

NIE ‘n kenner – vra maar net want ek is altyd bereid om iets te leer : ek maak my hawermout in verhouding 1:3. Sien resep is >1:4, is dit nie bietjie te PAP vir die PAP nie? :) Sal in elk geval probeer.

Dankie vir die res

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.