ʼn Geurige sous vir Kersete – dit is ook heerlik by hoender.
Lewer ± 750 ml
Bestanddele:
- 15 ml botter
- 2 uie, fyn gekap of gerasper
- 2 knoffelhuisies, gekneus
- 15 ml matige kerriepoeier
- 5 ml borrie
- 15 ml koekmeel
- 60 ml asyn
- 15 ml suurlemoensap
- 60 ml appelkooskonfyt
- 410 g (1 blik) pynappelstukke, gedreineer en vloeistof behou
- 2 ryp piesangs, in skyfies gesny
- 2 Granny Smith-appels, met skil gerasper
- 125 ml sultanas
- sout en varsgemaalde swartpeper na smaak
Metode:
- Verhit die botter en braai die uie en knoffel tot sag. Voeg die kerrie en borrie by en soteer nog ʼn paar minute.
- Roer die meel deeglik by en roer die behoue vloeistof geleidelik by sodat geen klonte vorm nie. Voeg die asyn en suurlemoensap by en laat prut tot die sous begin verdik.
- Roer die konfyt by tot gesmelt en voeg die pynappelstukke, piesangs, appels en sultanas by. Verhit dit tot kookpunt en laat prut tot die vrugte gaar en sag is en die sous effens verdik het. Geur na smaak.
Bron: Lekker & Vinnig
Uitgewer: Lapa
Resep oorspronklik gepubliseer in Spogresepte, Suid-Afrikaanse Vroue-landbou-unie.
Man wragtag Lekker daardie. Jy kan die sousie self ‘n Lang ene maak! Of in winter hom ‘n Kaap malaise soppie maak met dumplings.