Soorte resepte:

Resep: Kits-mieliebroodjie

Argieffoto Foto: chow.com

Argieffoto Foto: chow.com

Bestanddele:
1 pak bruismeel (500 g)
5 ml sout (1 t)
1 blik geroomde suikermielies (410 g)
2 eiers
60 ml melk (¼ k)
25 ml kookolie (2 e)

Metode:
1. Stel oond op 190°C (375°F).
2. Smeer ‘n kleinerige broodpannetjie.
3. Sif bruismeel en sout saam.
4. Voeg suikermielies by.
5. Klits eiers, melk en kookolie saam en voeg ook by.
6. Sny mielies en vloeistof met ‘n mes in tot goed gemeng.
7. Skep deeg in pan, maak bo-op gelyk en bak sowat 45 minute of tot deurgebak.

WENK: Gesny en met botter gesmeer is die broodjie baie lekker saam met braaivleis.

Resep: Joey Pienaar
Dié resep is oorspronklik in Knuppeldik aan koningskos gepubliseer
Uitgewer: Knuppeldik Trust
Om die resepteboek, Knuppeldik aan koningskos, te bestel, kontak Carien Liebenberg by 0833199636

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Koolstoof

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae