Soorte resepte:

[Resep] Ma Cielie se perskeblatjang

perskeblatjang

Foto: Bottel en gebruik

Hierdie is my ma se blatjangresep waarmee ons grootgeword het. Ek het besluit om die mates aan te gee presies soos sy dit vir my gegee het.

Lewer ± 1 kg

Bestanddele:

  • 2 borde geelperskesnippers (± 1 kg)
  • 1 bord uieskyfies (± 500 g)
  • 3 koppies witasyn (750 ml)
  • 2 teelepels borrie (10 ml)
  • 3 teelepels fyn koljander (15 ml)
  • 4 teelepels kerriepoeier (20 ml)
  • 2 klein brandrissies, ontpit en gekap (opsioneel)
  • 2 koppies suiker (500 ml)
  • 1 teelepel heel piment (5 ml)
  • 1 teelepel gemaalde gemmer (5 ml)
  • 1 teelepel sout (5 ml)

Metode:

  1. Kook alles saam totdat dit begin dik word – ongeveer 2 ure.
  2. Skep dit in gesteriliseerde bottels en verseël.

Bron: Bottel en gebruik
Uitgewer: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Koolstoof

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Pappa Beer ·

Ek het vandag die blatjang gemaak, maar met n paar veranderinge. Ek het nie rissies ingesit nie maar eerder varsgemaalde peperkorrels. Ek het ook nie piment gebruik nie maar eerder 4 heel naeltjies by gesit. Dit proe absoluut fantasties! O ja, en ipv kerriepoeier het ek masala poeier gebruik.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.