Soorte resepte:

Resep: Minipizzas

Foto: Lekker en Gesond: Glutenvry

Foto: Lekker en Gesond: Glutenvry

Wenk: Sit voor saam met ’n mengelslaai of bevries die afgekoelde pizzas vir kospakkies later die week.

Aantal porsies: 16 x 150 g

Aanbevole porsiegrootte: 150 ga

Bestanddele:

Pizzabasis

  • 350 g glutenvrye koekmeelmengsel
  • 150 g kekerertjiemeel
  • 3,75 ml sout
  • 2 ml droë gis
  • 75 ml kanolaolie
  • 280 ml louwarm water

Pizzasous

  • 2,5 ml kanolaolie
  • 1 ui, gekap
  • 10 ml gekapte knoffel
  • 820 g (2 blikke) gekapte tamaties
  • 125 ml rooilensies
  • 250 ml kookwater
  • 10 ml hoenderaftrekselpoeier
  • 10 ml droë origanum
  • 5 ml sout
  • varsgemaalde swartpeper na smaak

Metode:

  1. Voorverhit die oond tot 200 o Spuit ’n bakplaat met kleefwerende kossproei.

Pizzabasis

  1. Meng die pizzabasis se droë bestanddele saam en voeg die olie en louwarm water by. Meng goed sonder om te knie en vorm ’n bal. Bedek en laat rys op ’n warm plek.

Pizzasous

  1. Verhit die olie in ’n kastrol en braai die ui en knoffel tot sag en geurig.
  2. Voeg die res van die bestanddele behalwe die swartpeper by. Laat prut 30 minute bedek totdat die lensies sag is.
  3. Geur met varsgemaalde swartpeper. Laat afkoel.
  4. Strooi glutenvrye meel op ’n werkoppervlak en rol die pizzadeeg daarop uit. Druk sirkels met ’n deursnee van 16,5 cm daarop uit en plaas op die bakplaat.
  5. Verdeel die pizzasous tussen elke pizzabasis en plaas jou gunstelingbolae, soos fyngekapte groen soetrissie, sampioenskyfies, ham en mozzarellakaas bo-op. Sprinkel met droë origanum en bak 20 minute tot gaar.

Bron: Lekker en gesond: Glutenvry
Uitgewer: Lapa

 

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Gesondheid, Koolstoof

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae