Soorte resepte:

Resep: Perske-en-soetrissieblatjang

Foto: Tannie Poppie Kook

Foto: Tannie Poppie Kook

Dié blatjang is heerlik op hamburgers en net so lekker soos Mrs Ball’s.

Lewer sowat 2 x 350 ml-flesse

Bestanddele:

  • 1 kg perskes, geskil, ontpit en rofweg gekap
  • 2 uie, geskil en fyngekap
  • 2 groen soetrissies, gewas, ontpit en fyngekap
  • 5 ml sout
  • 125 ml pitlose rosyne
  • 250 ml bruinsuiker
  • 875 ml asyn
  • 15 ml kerriepoeier (matig of sterk)

Metode:

  1. Plaas al die bestanddele in ʼn groot kastrol.
  2. Verhit tot kookpunt. Roer gereeld.
  3. Verminder die hitte en kook sowat 1 uur lank tot die mengsel dik is.
  4. Roer gereeld.
  5. Gooi in flesse en verseël.

Bron: Tannie Poppie kook
Uitgewer: Human & Rousseau

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Koolstoof

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae