Resep: Perske-en-soetrissieblatjang

Foto: Tannie Poppie Kook

Dié blatjang is heerlik op hamburgers en net so lekker soos Mrs Ball’s.

Lewer sowat 2 x 350 ml-flesse

Bestanddele:

• 1 kg perskes, geskil, ontpit en rofweg gekap
• 2 uie, geskil en fyngekap
• 2 groen soetrissies, gewas, ontpit en fyngekap
• 5 ml sout
• 125 ml pitlose rosyne
• 250 ml bruinsuiker
• 875 ml asyn
• 15 ml kerriepoeier (matig of sterk)

Metode:

1. Plaas al die bestanddele in ʼn groot kastrol.
2. Verhit tot kookpunt. Roer gereeld.
3. Verminder die hitte en kook sowat 1 uur lank tot die mengsel dik is.
4. Roer gereeld.
5. Gooi in flesse en verseël.

Bron: Tannie Poppie kook
Uitgewer: Human & Rousseau