ʼn Lekker bederfie so aan die (amper) einde van die week!
Bestanddele
Koek:
- 3 ekstra-groot eiers
- 250 ml strooisuiker
- 187 ml olie
- Skil van 1 lemoen, fyn gerasper
- 500 ml koekmeel
- 45 ml kakao
- 10 ml bakpoeier
- knypie sout
- 187 ml vars lemoensap
Versiersel:
- 250 ml versiersuiker
- 30 ml kakao
- 250 g laevetroomkaas
- 2,5 ml vanieljegeursel
Metode
Stel oond op 180 °C.
- KOEK: Klits eiers en suiker tot liggeel.
- Roer olie en lemoenskil by.
- Sif meel, kakao, bakpoeier en sout.
- Roer meelmengsel en lemoensap beurtelings by eiermengsel.
- Skep beslag in gesmeerde ringkoekpan met 26 cm-deursnee en bak vir 25 minute of tot toetspen skoon uitkom.
- Keer koek op afkoelrakkie uit en laat afkoel.
- VERSIERSEL: Sif versiersuiker en kakao.
- Roer roomkaas en vanieljegeursel by en smeer bo-oor koek. Versier verder soos verkies.
Bron: Vinnig en maklik: Resepte uit Vrouekeur 3
Uitgewer: Lapa