(Uit: Kies gesond, Carolie de Koster)
Lewer ± 750 ml
Bestanddele:
- 30 ml sonneblom- of olyfolie of 15 ml van elk
- 30 ml gekapte sprietui
- 1 medium- groen soetrissie, in dun repies gesny
- 1 mediumwortel, in repies gesny
- 30 ml sojasous
- 30 ml tamatiesous
- 500 ml water, of inmaakstroop van pynappelstukke met water gemeng
- 75 ml bruinsuiker of 50 ml bruinsuiker, as inmaakstroop gebruik word
- 50 ml rysasyn of 50 ml gemengde witasyn
- 30 ml mielieblom
- 50 ml water
- 1 klein pynappel of 400 g (1 blik) pynappelstukke, gedreineer en die stroop behou
- 1 klein of ½ groot ongeskilde komkommer, in repies gesny
Metode:
- Verhit die olie in ’n groot, vlak kastrol en roerbraai die groente tot brosgaar.
- Voeg die sojasous en tamatiesous, vloeistof, suiker en asyn by en prut 5 minute.
- Meng die mielieblom met die water, roer by en voeg die pynappel en komkommer by.
- Laat prut vir 5 minute en roer af en toe. Sit warm voor.
Variasie
Voeg 2-5 ml elk gekapte of gekneusde knoffel, brandrissie en gerasperde vars gemmer by die sous vir ʼn Oosterse geur.
Bron: Lekker en Vinnig: Souse
Uitgewer: Lapa