Soorte resepte:

SA kaas aangewys as een van die beste ter wêreld

Dalewood Huguenot-kaas (Foto: Verskaf)

Die 30ste jaarlikse Wêreldkaastoekenningsgeleentheid het van 16-19 November by die Taste-fees in Londen plaasgevind. Vanjaar het inskrywings uit 35 lande ingestroom, wat ’n rekordtal inskrywings vir dié toekennings is.

Ná meer as 3 000 kase op een dag in Londen geproe, geruik en beoordeel is, is Dalewood Huguenot, ʼn semiharde kaas van Dalewood Fromage buite Stellenbosch, aangewys as die beste Suid-Afrikaanse kaas.

Die Dalewood Fromage Huguenot-kaas het ook onder die topdrie kase ter wêreld geëindig.

Cornish Kern, wat in die Alpynse styl deur die Britse Lynher Dairies Cheese Company gemaak word, is as Wêreldkaaskampioen vir 2017 aangewys.

Dalewood Boland-kaas (Foto: Verskaf)

“Die beoordelaars het die internasionale kollig behoorlik op die kundigheid en harde werk van Suid-Afrikaanse kaasmakers laat skyn deur die volgende toekennings te gee: een supergoud, twee goud, vier silwer en vier brons,” het Dalewood Fromage in ʼn mediaverklaring gesê.

Kase van onder meer Colombië, Suid-Afrika, Australië, Oostenryk, België, Swede, Switserland, Turkye en Bosnië-Herzegowina is per vragmotor, trein, vliegtuig en boot by 12 afleweringspunte oor die hele wêreld afgelewer, waarna dit na Londen vervoer is.

Die beoordelaarspaneel het bestaan uit 230 beoordelaars van oor die wêreld. Ander Suid-Afrikaanse vervaardigers wat bekroon is by dié kompetisie, sluit in: goud vir Kilembe van Belnori Boutique Cheesery; silwer vir Klein River Matured Gruberg van Klein River Cheese; en brons vir Karoo Crumble van Langbaken Cheese.

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Koolstoof

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

4 Kommentare

KAAS MUIS ·

Dankie, dis ook goeie nuus sal nie omgee vir ‘n proe mandjie nie( ‘n groot een) en ‘n glasie of twee Kaapse wyn op die strand

Ella ·

O hoe bly is ek vir goeie nuus! Ons het dit so nodig. Baie geluk aan al die kaasmakers. Suid-Afrikaanse boere en kaasmakers bly maar tops. Dankie vir elke stukkie kos en kaas en melk wat ons in ons monde sit.

Anoniem ·

En daar gee julle my ‘n plan! Ek gaan vir my seun, die kaasmuis van die huis, kaas gee vir Kersfees.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.