Soorte resepte:

Resep: Italiaanse somerslaai

Italiaanse somerslaai (Foto: Lapa-uitgewers)

’n Heerlike vars slaai om die nuwe week op ’n vars noot te begin!

Lewer 6 porsies

Bestanddele:

  • 500 g gekookte vars (of geblikte) aspersies
  • 200 g gekookte vars, jong groenboontjies
  • 1 gekookte vars (of geblikte) artisjokhart per persoon
  • 3 vars rooi tamaties, geskil, ontpit en grofgekap
  • ½ Engelse komkommer, in dun skyfies gesny
  • 7½ e (110 ml) olyfolie
  • ± 2½ e (40 ml) witwynasyn
  • sout en varsgemaalde swartpeper na smaak
  • 1 t (5 ml) droë basiliekruid
  • swart olywe na smaak

Metode:

  1. Meng die aspersies, groenboontjies, artisjokke, tamaties en komkommer liggies saam in ’n groot mengbak.
  2. Meng die olyfolie, asyn, sout, peper en basiliekruid in ’n bottel met ’n skroefdeksel sodat dit goed geskud en gemeng kan word.
  3. Giet die slaaisous oor die slaai en meng dit liggies deur.
  4. Plaas die slaai vir 1 uur in die yskas en meng weer liggies deur.
  5. Skep die slaai in ’n mooi slaaibak en garneer met die olywe.

Bron: Koljander, koljander so deur die Bosch

Uitgewers: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Bykosse, Slaaie

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Bokkie ·

Yummie ….. slaai lyk baie lekker – net jammer dis vandag so koud – ek sal eerder sop wil eet as n slaai. Sal dit beslis volgende somer maak!

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.