Soorte resepte:

Só word jy ʼn bierkenner

Tshepo Tloubatla, die bier-kultuur bestuurder by SAB (Foto: Verskaf)

Jy en jou vriende dink dalk julle is bierkenners na aanleiding van die hoeveelheid bier wat julle drink, maar het jy geweet daar is ʼn behoorlike manier om ʼn nuwe bier te proe?

Baie mense dink dalk dit is net wyn wat gekyk, geruik en dan geproe moet word, maar wanneer dit by bier kom, is dit nét so belangrik. Dit is eintlik geen verrassing nie, aangesien Suid-Afrika se bier-geskiedenis selfs ouer is as ons geskiedenis met wyn. Suid-Afrikaners is ook bederf met keuse, met meer as 100 verskillende style om van te kies.

Om jou te help om ʼn bierkenner te word, het die SAB (Suid-Afrikaanse Brouerye) dié stap-vir-stap instruksies opgestel:

  1. Maak jou palet skoon

Enigiets wat jy inneem voordat jy bier drink, kan die smaak van die bier beïnvloed, so dit is belangrik om jou mond skoon te maak of te verfris. Kaas en beskuitjies kan jou palet-sensitiwiteit tot die geure van sekere biere beïnvloed, so hou dit eenvoudig en gebruik water om jou palet skoon te maak.

  1. Kyk na die kleur

Kyk deeglik na die bier. Die kleur verteenwoordig watter soort bier dit is – ʼn pilsner het die kleur van vaal strooi terwyl Amerikaanse en Engelse ales ʼn goue kleur het. Porters en moutbier (stouts) het ʼn rooibruin tot swart kleur.

As jy verskeie biere gaan proe, is dit beter om dit van lig na donker te proe. Dit sal jou help fokus op die ontwikkeling van geure en eienskappe van die bier se styl.

  1. Ruik die aroma

Nadat jy na die bier se kleur gekyk het, beweeg jou glas twee keer verby jou neus. Dié aksie word “die verbyry” genoem. Jou neusgate en smaakknoppies werk saam, so die geur sal jou baie kan vertel oor die tipe bier wat jy gaan proe.

Jy behoort vinnig die geroosterde note wat tipies aan moutbier is te kan ruik, en ook denne, sitrus, peper, gras en selfs ʼn tikkie gis.

Dit is nóú wat jy die ongewenste aromas, of “af-geure” sal kan ruik. Die geure is tipies swael-tipe geure wat gebeur as bier aan teveel lig blootgestel was. Dié “af-geur” proe amper soos koffie wat filtreer word. Party mense sê selfs dit ruik soos geblikte tuna, maar ander sê weer dit ruik soos asyn of botterkaramel, wat ongewenste geure is wanneer dit by bierstyle soos ʼn lager kom.

Ruik altyd voor jy jou eerste slukkie vat. Sodra jy die bier gesluk het, sal jou vermoë om dit te ruik bietjie verminder.

  1. Skommel die bier in die glas

Skommel die bier versigtig deur die glas liggies in ʼn sirkel te beweeg. Dit laat die vlugtige stowwe vry wat vasgevang en gekonsentreerd in die glas is. Die warreling laat toe dat van die CO2-gasse uit die Swirl the glass gently‑glas gelaat word, wat veroorsaak dat dit effens skuim maak. Deur die bier toe te laat om met lug te meng, kry die drankie ʼn sterker geur van al die aromatiese komponente.

  1. Ruik weer, maar meer!

Tshepo Tloubatla, die bier-kultuur bestuurder by SAB (Foto: Verskaf)

Ruik nou weer. Die keer behoort jy die volgende te kan ruik:

Mout: Heuning, koekie, karamel, gebakte brood. Kan ook geroosterde koffie of donkersjokolade insluit.

Hop‑aromas: Sitrus, blomme of gras.

Gis: Sal vrugtig of swaelagtig wees.

  1. Die lang verwagte slukkie

Vat ʼn klein slukkie, genoeg sodat dit oor jou hele tong kan loop. Laat dit stadig oor jou tong rol vir ʼn paar sekondes voordat jy dit sluk. Asem dan stadig uit. Teen hierdie tyd sal jy beide die breë en subtiele geure kan proe. Breë geure soos soet, sout, suur, bitter, is wat jy oorweldigend proe en die subtiele geure, soos vrugte, karamel, koffie, neute, sjokolade, sal net ʼn smakie van geur wees.

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Koolstoof

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

14 Kommentare

Francois le Cochon ·

Nee wat, na stap 6 is die bier al warm. Ek sou se^, vat ‘n koue bier, hou dit omhoog en se^ “op die eerste een” en val weg. Met die tweede en derde dieselfde. Belangrik om elke keer “op die eerste een” te se^, anders dink jou pelle jy maak ‘n vraat van jouself.

Janine ·

Lekker lag ek nou! Ek drink NET Lion. En daar is nie tyd vir snuif en proe nie. Warm bier is tog nie lekker nie…:p

Andreas ·

Man man man, dis nou 100! Ek gaan dit vanaand probeer, maar ek waarsku julle my vrou weet van beter.

Renier ·

Ek het nog nooit enige vrugtesmake of -reuke by enige bier agtergekom nie, en ek het al so paar langes gevat. Nee wat, hy moet koud en vars wees en uit ‘n kraan of glas kom. Dan’s die saak 100!

Francois le Cockon ·

@Renier. Duitse Koringbier (Weiss Bier) is bekend vir hul piesang en pynappel reuk en smaak. Vir my is dit die lekkerste bier. Kyk of daar ‘n “German Crocer” in jou omgewing is, en probeer hierdie Weiss biere: Konig Ludwig, Erdinger, Paulaner, Franciskaner, en my gunsteling Memminger. Ook plaaslik CBC se unfiltered Weiss (Cape Town Brewing Compamy), alhoewel, die ingevoerde Weiss biere is goedkoper as plaaslike craft Weiss biere. Ingevoerde Weiss biere is ook almal 500ml.

ekke ·

Checkers verkoop Echebaum weiss. Dis baie lekker. En moenie vergeet van ‘n lekker stout bier nie.

Cherokee ·

Waarskynlik sal ek en Renier saam ‘n bier kan geniet want een van die belangrikste vereistes vir my, is dat dit nie uit ‘n blik moet wees nie. Seker daarvan dit het ‘n metaal smaak. Ek verkies ‘n effe soeter bier (destydse Lion en nou se Swart Etiket (okay Black Label). Op ‘n Italiaanse skip het ek Heineken gedrink en nie daarvan gehou nie. Ek is ‘n soet tand en dit mag die rede wees waarom ek hou van ‘n effens soeter bier.

Andreas ·

Die enigste bier wat my nie sinus gee nie is Black Label.

Lord Oom Piet ·

Punt 0: Kyk na die prys… R15 ‘n bier is te duur.

Andreas ·

Grootte van die blikke? Waar koop jy dit of word jy bedien?

Cherokee ·

R20 ‘n liter my oom. En dit is my en Andreas se gunsteling bier. Emigreer na Durban.

Jurie Neethling ·

Wat n klomp snert. In Suid Afrika is bier net bier. Alkohol inhoud per volume is die belangrikste. Die manne wat vinnig getrek wil raak drink Black Label. Lion s’n is te laag maar Hansa is net reg. Ondersteun SAB vir hulle terugploeg in onder ander hulle sport borgskappe, nie vir die kwaliteit nie.

JayJay ·

Daar is vier slukke as dit by bier drink kom:
Sluk 1 – eerste sluk is 1/3 van die glas
Sluk 2 – sluk die volgende 1/3 van die glas
Sluk 3 – sluk die laaste 1/3 van die glas
Sluk 4 – genier die volgende bier.
My pa het my leer bier drink. Die eerste bier het net 3 slukke nodig, daarna geniet jy die volgende bier.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.