Dié Amarula-balletjies maak ‘n mens sommer in ‘n japtrap.
Lewer 36-40 porsies
Bestanddele:
- 600 g (3 pakkies) Mariebeskuitjies, fyngemaak
- 2 eiers
- 125 ml gesmelte botter
- 500 ml versiersuiker, gesif
- 250 ml Amarula-likeur
- 500 g sjokolade, gesmelt
Metode:
- Meng die beskuitjiekrummels, eiers, botter, versiersuiker en likeur in ʼn mengbak.
- Vorm die beskuitjiemengsel in balletjies van 4 cm in deursnee en plaas dit op foeliebedekte skinkborde. Verkoel ± 1 uur lank, of tot ferm.
- Doop die balletjies in die gesmelte sjokolade en laat teen kamertemperatuur staan tot die sjokolade gestol het.
Wenke:
- Plaas die beskuitjies in ʼn plastieksak en rol dit met ʼn deegroller fyn as ʼn voedselverwerker nie beskikbaar is nie.
- Smelt die sjokolade in ʼn dubbelkastrol of plaas dit in ʼn mikrogolfoond vir ± 2 minute teen 50% krag. Roer dit elke 20 sekondes.
- Laat dit effens afkoel.
Bron: Lekker en Vinnig
Uitgewer: Lapa
Resep oorspronklik gepubliseer in Soet en sout, Margie van Tonder.