Hierdie jelliering is maklik om te maak en perfek vir Kersfees.
10 porsies
Bestanddele
- 1 x 80 g pakkie framboosjellie
- 1 x 80g pakkie groenpruimjellie
- 1 x 80 g pakkie pynappeljellie
- 1 x 290 g blikkie nagereg-room
- 500 ml vanieljevla
- vars aarbeie, kiwivrugte of enige ander vars vrugte
Metode
- Maak die framboos- en groenpruimjellie volgens die aanwysings op die verpakking aan.
- Giet die jellie in aparte reghoekige bakke en laat in die yskas stol.
- Maak die pynappeljellie aan met 1 koppie kookwater en laat eenkant om effens af te koel (nie in die yskas nie).
- Verwyder die framboos- en groenpruimjellie uit die yskas en sny in 1-cm-blokkies.
- Rangskik die jellieblokkies in ʼn jellieringvorm.
- Meng die room met die pynappeljellie en giet dit oor die jellieblokkies in die jellieringvorm. Laat dit in die yskas stol.
- Keer die jelliering uit op ʼn koekstander sodra dit gestol het. Vul die middel van die jeliering met vars vrugte.
- Giet die vla oor die jelliering en bedien.
Bron:Kook saam Kaaps
Uitgewer: Lapa
Dit lyk baie lekker gaan dit beslis maak.