Daar is niks lekkerder as vla saam met ’n warm óf koue poeding nie!
Bestanddele:
- 500 ml melk
- 1 perskeblaar
- 5 eiers, geklits
- 75 ml suiker
- knippie sout
- 15 ml brandewyn
- 5 ml vanieljegeursel
Metode:
- Verhit die melk tot kookpunt.
- Voeg die perskeblaar by en haal uit wanneer die smaak daarvan sterk deurkom.
- Laat die melk afkoel en roer die eiers in.
- Voeg die suiker en sout by.
- Gooi in ’n dubbelkoker en roer tot dit dik word – dit moenie kook nie.
- Verwyder van die stoof en voeg die brandewyn en vanieljegeursel by.
Tannie Poppie sê:
Voeg ’n paar druppels amandelgeursel by as jy nie ’n perskeblaar het nie.
Bron: Tannie Poppie kook
Uitgewer: Human & Rousseau