Soorte resepte:

[Resep] Japtrapklapperys

Klapperys

Lekker en Vinnig: Lekkers

(Uit: Smul sonder sukkel deur Olga Wall)

Lewer 24 porsies

Bestanddele:

  • 385 g (1 blik) kondensmelk
  • 500 g (1 pakkie) versiersuiker
  • 400 g (2 pakkies) fyn klapper
  • 2 ml pienk voedselkleursel

Metode:

  1. Meng al die bestanddele vir die klapperys, behalwe die voedselkleursel, goed.
  2. Verdeel die mengsel in twee en meng ʼn paar druppels voedselkleursel by die een helfte.
  3. Meng baie goed totdat die kleur egalig is.
  4. Druk die wit helfte van die mengsel goed vas in ʼn gesmeerde vierkantige bak.
  5. Druk die gekleurde helfte van die klapperys bo-op vas en verkoel ± 30 minute.
  6. Sny die klapperys in blokkies en lig versigtig uit die bak.

Bron: Lekker en Vinnig – Lekkers
Uitgewer: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Soetgoed

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae