Soorte resepte:

[Resep] Jogurt-ysies

Lente is in die lug en daarom deel ons ʼn heerlike en verfrissende resep, perfek vir die nuwe seisoen.

Foto: Lekker en Vinnig

Jogurt-ysies. Foto: Lekker en Vinnig

Lewer 6 porsies

Bestanddele:

  • 6 x 100 g-bakkies jogurt, enige geur
  • 6 roomysstokkies

Metode:

  1. Maak ‘n klein snytjie in die middel van elke jogurtbakkie se dekseltjie.
  2. Druk ‘n roomysstokkie in elke snytjie en vries die bakkies tot hard. Dit neem omtrent 3 ure.
  3. Trek die dekseltjies versigtig van die bakkies af en druk die bakkies aan die onderkant om die jogurtysies uit te haal.
  4. Vars of ingemaakte vrugtestukkies kan by die jogurt geroer word voordat dit gevries word. Sny ‘n paar vierkante aluminiumfoelie uit om die bakkies toe te maak en druk die roomysstokkies daardeur voordat dit gevries word.

Bron: Lekker en Vinnig – Lekkers
Uitgewer: Lapa

Resep oorspronklik gepubliseer in Nie vir Ma’s nie, Karin Behm-Joubert en Daleen van der Linde.

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Soetgoed

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Denise ·

Dit lyk lekker gan beslis my kleindogter daarmee bederf baie lief vir roomys noem dit Yummy !!!!!!!

Moegviraldiebeloftes ·

Ek ook – dieie kleinkind en ek is baie lief vir jogurt. Ons tweetjies is ook baie lief vir gevriesde vrugtesap sakkies in ‘n laaaannnng glas. Ek koop vir ons die sakkies vrugtesap (250ml) en vries dit – ontdooi vir 35 sek (of tot die ys “sag” is) haal uit en gooi in ‘n glas en eet met ‘n lepel.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.