Soorte resepte:

Resep: Karameltoffies

Karameltoffies (Foto: Lapa-uitgewers)

Bederf jouself die naweek!

Genoeg vir 16 tot 20

Bestanddele:

½ k (115 g) Clover Mooi River-botter

1 x 385 g-blik Clover-kondensmelk

2 e (30 ml) stroop

¾ k (150 g) sagte bruinsuiker

½ t (2 ml) growwe seesout

Metode:

Voer ’n 18 cm vierkantige koekpan met aluminiumfoelie uit.

Verhit al die bestanddele saam oor lae hitte in ’n swaarboomkastrol, totdat die suiker gesmelt is.

Verhoog die hitte tot matig-warm en laat die mengsel kook. Klits aanhoudend met ’n draadklitser totdat dit dik en karamelkleurig is.

Giet in die pan en laat 15 minute staan.

Gebruik ’n bottergesmeerde mes om die toffie in vierkante te sny. Verkoel 1 uur en verwyder uit die pan.

Resep: Trooskos

Uitgewer: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Soetgoed

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae