Soorte resepte:

[Resep] Kersie-sillabub

Foto: Koskas Kos

Kersie-sillabub. Foto: Koskas Kos

Lewer 4 porsies

Bestanddele:

  • 1 blik (425 g) swart kersies
  • 30 ml wodka
  • 2 eierwitte
  • 75 g strooisuiker
  • 30 ml suurlemoensap
  • 150 ml muskadel
  • 300 ml dik room

Metode:

  1. Dreineer die kersies en indien dit nie ontpit is nie, verwyder die pitte.
  2. Kap die kersies kleiner en verdeel dit tussen 4 groot glase (wynglase kan ook gebruik word) en drup die wodka oor.
  3. Klits die eierwitte tot stywepuntstadium en vou die suiker, suurlemoensap en muskadel daarby in.
  4. Klits die room liggies in ʼn aparte mengbak en vou dan die eierwitmengsel daarby in.
  5. Skep die mengsel oor die kersies en verkoel oornag.

Bron: Koskas Kos
Uitgewer: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Soetgoed

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Ponado ·

Klink vir my na ‘n kopseer vir die res van die langnaweek!

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.