Soorte resepte:

Resep-video: Ná-die-braai-‘pie’

Ná-die-braai-“pie” (Foto: Maroela Media/Janie Monsieur)

ʼn Mengsel tussen ʼn Peppermint Crisp-tert en ʼn braai-pie wat jy nog nooit vantevore teëgekom het nie.

Bestanddele

  • 2 velle skilferkorsdeeg, effens uitgerol
  • 3 eetlepels karamelkondensmelk
  • 2 mentsjokolade-blokke
  • 2 eiers, geklits
  • styfgeklopte room

Metode

Na-die-braai-“pie” (Foto: Maroela Media/Janie Monsieur)

  1. Plaas een vel skilferkorsdeeg neer op ʼn oppervlak waar dit nie sal vassit nie.
  2. Smeer karamelkondensmelk op die deeg en rasper een sjokoladeblok daaroor.
  3. Sny die ander sjokolade in klein blokkies, en gooi dit ook oor deeg.
  4. Plaas die ander vel deeg bo-oor en vou die kante toe.
  5. Sit die hele pastei op ʼn toeknyprooster en verf dit met die geklitste eier.
  6. Braai dit by ʼn lae hitte, en draai gereeld om.
  7. Wanneer die pastei goudbruin is, verwyder van die hitte en sny in blokke.
  8. Spuit styfgeklopte room op en sit dadelik voor.

Resep: Janie Monsieur

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Resep-video's, Soetgoed

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae