Hier is nog ʼn resep van Lorraine Swanepoel van Kokkedoor wat Maroela Media se piekniekmandjies saamstel by vanjaar se buitebioskoop. Lees meer hier.
Bestanddele:
- 1 sjokolademuffin
- 1 bottel sjokolade-en-haselneutsmeer
- 230 g ongegeurde roomkaas, teen kamertemperatuur
- 100 g bessies van jou keuse
- vars ment en laventel
Metode:
- Vir die kaaskoek, breek die sjokolademuffin in growwe stukke en plaas bo-op ʼn gesmeerde bakplaat. Droog uit in die oond teen 180 ̊C tot bros. Hou eenkant.
- Verhit die sjokolade-en-haselneutsmeer liggies in die mikrogolfoond tot effe loperig.
- Meng die sjokolade-en-haselneutsmeer en roomkaas goed saam.
- Skep die roomkaasmengsel in klein glasbotteltjies. Pak ʼn laag bros muffinklonte en vars bessies bo-op. Garneer met laventel. Lekker smul!
Seker lekker, maar pas nie in n land wat op die rand van resessie is nie.