Dit is amper skoolvakansie! Hierdie maklike resep vir gemmerkoekies sal die kleinspan besig hou.
Bestanddele
- 180 g sagte botter
- 250 ml (1 k) ligte bruinsuiker
- ekstragroot eier
- 250 ml (1 k) gouestroop
- 10 ml (2 t) koeksoda
- 45 ml (3 e) volroommelk
- 560 g (4 k) koekmeel
- 10 ml (2 t) fyn gemmer
- 2,5 ml (½ t) sout
Metode
- Stel die oond op 180 °C. Voer twee bakplate met bakpapier uit en spuit dit met kossproei.
- Klits die botter en suiker ongeveer 2 minute lank met ʼn elektriese klitser. Voeg die eier en gouestroop by en klits weer.
- Meng die koeksoda en melk en roer dit by die bottermengsel.
- Sif die meel, gemmer en sout saam. Voeg dit by die bottermengsel en meng tot deeg vorm.
- Rol die deeg 4 mm dik uit op ʼn werkoppervlak wat met meel bestrooi is. Druk vormpies uit soos verkies.
- Plaas die koekies op die bakplate en bak dit 11-12 minute lank tot ligbruin.
- Laat dit op ʼn afkoelrakkie afkoel. Bêre dit in ʼn lugdigte houer.
- Bron: Beste uit Vrouekeur 1
- Uitgewer: Lapa
Die resep lyk heel gaaf. Moet ‘n mens botter gebruik of kan margarien ook gebruik word?