Dié Peppermint Crisp-tertjies eet jy sommer met jou hande!
Lewer 12 pakkies
Bestanddele
- fillodeeg
- 250 ml room
- 1 x blikkie karamelkondensmelk
- 2 x 150 g Peppermint Crisp-sjokoladestafies
Metode
FILLODEEG
- Sny fillodeeg in blokkie van sowat 10 x 10 cm. Verf die fillovelle met water en hou dit onder ʼn klam vadoek sodat dit nie uitdroog nie.
- Voer ʼn muffinpan uit met die twee lagies fillo-velletjies in elke holte, verf dit met ʼn bietjie olie en bak vir 16 minute by 160 °
- Laat die doppies afkoel.
PEPPERMINT CRISP-VULSEL
- Klits die room styf en vou die karamelkondensmelk daarby.
- Rasper een van die sjokoladestafies fyn en vou dit ook in. Kap die ander sjokolade grof en hou dit eenkant vir versiering.
- Wanneer die doppies afgekoel is, skep lepelsvol van die vulsel daarin.
- Sprinkel die grofgekapte sjokolade bo-op elkeen en plaas in die yskas vir sowat 2 uur voor bediening.
Dit lyk verskriklik lekker!
Julle resep lyk absoluut watertandlekker!
Resepte lyk heerlik