Soorte resepte:

[Resep] Pynappel-yskastert

(Foto: Lapa)

Yskastert met pynappel? Jy sal nie spyt wees nie!

Bestanddele
• 440 g (1 blik) pynappelstukkies
• 2 x 80 g (2 pakkies) pynappelgeur jelliepoeier
• 380 g (1 blik) ingedampte melk,verkoel
• 2 x 200 g (2 pakkies) tennisbeskuitjies

Metode
1. Dreineer die pynappel en verhit die stroop. Voeg die jellie by en roer om dit op te los. Laat die jellie afkoel en voeg die pynappelstukkies by.
2. Klits die ingedampte melk styf en meng dit met die vrugtemengsel.
3. Rangskik ‘n laag beskuitjies in ‘n tertbak van 22 cm x 35 cm. Skep ‘n laag vrugtemengsel oor. Herhaal die lae.
4. Laat die tert oornag in die yskas staan om te stol.

Bron: 50 Boerekosgeregte
Uitgewer: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Soetgoed

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

15 Kommentare

Cherokee ·

Jy kan hierdie resep ook gebruik as ‘n dieet.
Nie dat dit sal werk nie maar ten minste sal dit die lekkerste dieet wees waarop jy nog was.

Suzie ·

Nee wat, die tert gaan my meer as R60 kos!! Ek koop eerder by SPAR n tert..

Deon Meyer ·

Liewe aarde Suzi,jy het sekerlik aandele by SPAR,die dat jy hulle tert wil koop.
Daar is ‘n hemelse verskil tussen die twee,met SPAR se tert wat loshande verloor.

Daleen ·

Jy weet dit dan!!!! Verseker as jy dit koop sal dit nie ‘n flop wees nie, baie makliker om dit te koop as te maak

Nadine Knoetze ·

Selde resep waarmee ons groot geword het, was my Ma se spesialiteit. Altyd ‘n WENNER!!

wilma ·

Ingedampte melk = evaporated milk.
Dit is soms maar ‘n gesukkel om die regte produk te kry, aangesien alles merendeels in Engels op verpakkings aangedui word.

Heinrich ·

As die foto n pynappeltert is , is ek n helikopter pilot……hy lyk droeër as droog.

Kaptein ·

Die foto is onder meer VAN ‘n pynappeltert. Jy is heeltemal korrek in jou vermoede dat die foto nie ‘n pynappeltert is nie.
Watter helikopter is jou gunsteling?

Griki ·

Dis ‘n pynappelyskastert en dis nie moontlik dat dit droog kan wees nie. Al die bestanddele is nat bestanddele en dit word nie gebak nie. Dié tert is héérlik.

Stella ·

Ai mense moenie kommentaar lewer voordat jul nie die tert geproe het nie. Ek gaan beslis die tert maak. n Foto flous n mens soms.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.