Soorte resepte:

Resep: Rooifluweelkolwyntjies

Rooifluweelkolwyntjies (Foto: Lapa-uitgewers)

Hierdie is die régte manier van rooifluweelkolwyntjies maak, beetsap en al!
Bestanddele

  • 2 ⅓ k (585 ml) koekmeel
  • 1 e (15 ml) kakao
  • 1 t (5 ml) koeksoda
  • 1 t (5 ml) bakpoeier
  • 1 ½ k (375 ml) strooisuiker
  • ¾ k (185 ml) karringmelk
  • ¾ k (185 ml) sonneblomolie
  • ¼ k (60 ml) beetsap
  • 1 e (15 ml) rooi voedselkleursel
  • 2 t (10 ml) witasyn
  • 2 eiers

ROOMKAASVERSIERSEL

  • ½ k (125 ml) Clover Mooirivier-botter, by kamertemperatuur
  • 1 k (250 ml) Clover­roomkaas, by kamertemperatuur
  • 1 e (15 ml) Clover-room
  • 1 t (5 ml) lemmetjieskil, fyngerasper
  • 2-2 ½ k (500-625 ml) versiersuiker, gesif.

Metode

  1. Voorverhit die oond tot 180 °C. Plaas papierbakkies in 18 x 80 ml­muffinpanhouers.
  2. Sif die meel, kakao, koeksoda en bakpoeier in ’n groot bak. Roer die strooisuiker by.
  3. Klits die karringmelk, olie, beetsap, voedselkleursel, asyn en eiers saam. Maak ’n holte in die middel van die meelmengsel en giet die karringmelkmengsel daarin. Roer tot net gemeng.
  4. Verdeel die mengsel tussen die papierbakkies. Bak dit 20 tot 25 minute of tot ’n toetspen skoon uitkom. Plaas die kolwyntjies op ’n afkoelrakkie en laat dit heeltemal afkoel voor dit versier word.

ROOMKAASVERSIERSEL

  1. Klits die botter tot lig en donsig. Klits die roomkaas, room en lemmetjieskil by. Klits versiersuiker geleidelik by totdat die verlangde dikte verkry is.

Bron: Teepartytjie

Uitgewer: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Gebak, Soetgoed

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae