Soorte resepte:

[Resep] Suurlemoenblokkies

Suurlemoenblokkies (Foto: Teetydlekkernye, Lekker & Vinnig, Lapa-uitgewers)

Suurlemoenblokkies klink soos die perfekte smulhappie vir ʼn blou Maandag.

Lewer 12 blokke

Bestanddele

  • 1 x 200 g-pak tennisbeskuitjies
  • 1 x 397 g-blik kondensmelk
  • 150 ml suurlemoensap
  • 125 ml klapper

Metode

  1. Pak ʼn laag beskuitjies in ʼn gesmeerde vierkantige tertbord.
  2. Klits die kondensmelk en suurlemoensap tot dik en smeer die helfte daarvan oor die beskuitjies.
  3. Herhaal die proses en strooi laastens die klapper oor.
  4. Verkoel ongeveer 1 uur en sny in blokkies. Sit koud voor.

Uit: Teetydlekkernye, Lekker & Vinnig, Lapa-uitgewers

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Soetgoed

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

7 Kommentare

Delia ·

Wil asb net weet waarmee is die klapper gemeng om so lekker by mekaar te bly? Glo my, dit val uitmekaar en word net ‘n spul los krummels!

Nettie ·

Miskien ‘n bietjie van die (verdunde?) kondensmelk of ‘n bietjie gesmelte botter?

Siestog ·

Kan ‘n mens gekrummelde koekies bo-oor strooi ipv klapper? Ek’s nie mal oor klapper nie.

wilma ·

Delia

Ek het versiersuiker gemeng met suurlemoensap bo-op koekies gesmeer en daarna die klapper oorgestrooi.

Delia ·

Dankie wilma, sal dit definitief probeer….hou van ‘n soet-suur smaak!

marthie ·

ek maak die al jare met n twist 250m styfgeklopte room bo oor elke suurlemoen lagie en fyn gemaskte beskuitjie ipv klapper bo op njammies

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.