Soorte resepte:

Resep-video: Grondboontjie-bomme

Grondboontjie-bomme (Foto: Maroela Media/Janie Monsieur)

Hierdie “bomme” is ʼn gunsteling in die Maroela Media-kantoor. Kry die kinders om te help met dié maklike resep, daarna kan oud óf jonk daaraan smul.

Lewer ongeveer 30 balle.

Bestanddele

  • 2 k grondboontjiebotter
  • ½ k sagte margarien
  • 3 k versiersuiker
  • 2 k Rice Krispies
  • 10 ml vanieljegeursel
  • gesmelte sjokolade vir versiering

Metode

Grondboontjie-bomme (Foto: Maroela Media/Janie Monsieur)

  1. Meng grondboontjiebotter en margarien saam tot glad.
  2. Gooi vanielje by en roer.
  3. Gooi versiersuiker ʼn halwe koppie op ʼn slag by en roer tussendeur.
  4. Voeg Rice Krispies by en meng weer.
  5. Vorm balletjies in jou hande en plaas dit op ʼn plaat of groot bord.
  6. Laat dit afkoel in die yskas vir 30 minute.
  7. Drup gesmelte sjokolade bo-oor.
  8. Bêre in yskas.

Resep: Janie Monsieur

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Resep-video's, Soetgoed

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae