Oreo-bomme (Foto: Maroela Media/Janie Monsieur)
Hierdie bomme proe amper soos Oreo-kaaskoek, en het net drie bestanddele!
Bestanddele:
- 2 pakke Oreo-koekies
- 200 g volroom-roomkaas
- Sjokolade, gesmelt
Metode:
- Maak die Oreo-koekies goed fyn.
- Skep die roomkaas lepel vir lepel by die koekies in, en roer tussenin. Maak seker die mengsel raak nie te sag nie. Die roomkaas moet net die koekies klam maak.
- Rol nou die mengsel in balletjies en druk sosatiestokkies daarin.
- Rol die balletjies in sjokolade en laat dit in yskas afkoel vir ten minste 30 minute.
Resep: Janie Monsieur
