ʼn Klassieke tert met ʼn resep só maklik dat enigeen dit kan bemeester!
Lewer 1 groot tert
Bestanddele
- 500 g room
- 1 blik karamelkondensmelk
- 1 groot Peppermint Crisp-sjokoladestaaf
- 2 pakke Tennis-beskuitjies
- 1 klein Peppermint Crisp-sjokoladestafie
Metode
- Klits room styf en vou karamelkondensmelk daarby in.
- Kap die groot Peppermint Crisp-sjokolade grof en vou dit ook by die roommengsel.
- Pak ʼn laag Tennis-beskuitjies sodat die bodem van die bak bedek is.
- Skep die helfte van die roommengsel op die beskuitjies en smeer oor al die beskuitjies.
- Pak nog ʼn laag beskuitjies en smeer die res van die roommengsel oor.
- Kap of rasper die klein sjokoladestafie en sprinkel dit bo-oor saam met fyngedrukte Tennis-beskuitjies.
- Verkoel vir twee of meer uur in die yskas.
Baie lekker resep maar ek maak net een laag koekies
Ek sit sommer peppermint caramel kondensmelk in myne. Te heerlik!
Ek sit sommer peppermint karamel kondensmelk in my tert. Dit is heerlik!