Soorte resepte:

Resep-video: Soetding oor die kole

Soetding oor die kole (Foto: Janie Monsieur)

Dié resep is net betyds vir Braaidag én die Wêreldbeker-rugbytoernooi se braaivleisvure!

Lewer 4 porsies

Bestanddele

  • 15 Nuttikrust-koekies
  • 1 Bar One (sjokolade)
  • 1 piesang

Metode

  1. Maak die koekies fyn en halveer die piesang en Bar One in die lengte.
  2. Knip ʼn blok van sowat 25 x 20 cm uit foelie en sit dit plat neer.
  3. Sprinkel nou 3-4 teelepels koekiekrummels op die foelie. Sit die halwe Bar-One daarop neer en die piesang bo-op dit.
  4. Draai die pakkie in foelie toe en braai oor matige kole terwyl jy dit gereeld draai om te voorkom dat die koekies brand.
  5. Haal dit van die vuur af en eet dit sommer direk uit die foeliepakkie uit!

Resep: Janie Monsieur

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Resep-video's, Soetgoed

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae